主页 > B翼生活 >Uncle Tetsu 日本人气蛋糕店到港!率先试食芝士蛋糕

Uncle Tetsu 日本人气蛋糕店到港!率先试食芝士蛋糕

2020-06-09 B翼生活 928 views 656

来自日本九州嘅Uncle Tetsu彻思叔叔人气芝士蛋糕店今日终于喺铜锣湾开幕!Uncle Tetsu已有二十多年历史,进军海外之后为人熟识,佢嘅皇牌6吋芝士蛋糕,又平又抵食!今日开张前1个钟已经有好多人排队,等记者为大家率先报道同试食啦!

Uncle Tetsu 日本人气蛋糕店到港!率先试食芝士蛋糕
Uncle Tetsu香港铜锣湾店。

性价比极高 皇牌芝士蛋糕

蛋糕强调用新鲜食材,用澳洲Cream Cheese再加日本鸡蛋、奶油等等食材,全程手工製作,一个个即时蒸烤,跟足日本做法!Uncle Tetsu其中一大卖点,就係店员会喺现场製作芝士蛋糕,保证新鲜,大家喺买蛋糕排队嗰阵,可以慢慢欣赏製作过程。香港新店开张期间,每日大约做350至450个蛋糕,每人只係限买一个咋!

Uncle Tetsu 日本人气蛋糕店到港!率先试食芝士蛋糕
芝士蛋糕 $59
Uncle Tetsu 日本人气蛋糕店到港!率先试食芝士蛋糕
特别要留意最后一个步骤:为蛋糕烫上官方叔叔logo,真係画龙点睛架!
Uncle Tetsu 日本人气蛋糕店到港!率先试食芝士蛋糕
创办人彻思叔叔都嚟咗,好nice好搞笑呀佢!

即埸试食芝士蛋糕!

芝士蛋糕新鲜出炉,质感好软熟,口感软绵绵密顺滑,因为啱啱出炉蛋味比较浓,芝士味就冇咁劲,如果想芝士味浓d就要放入雪柜雪完再拎出嚟食。芝士蛋糕放入雪柜可以keep到3日。

Uncle Tetsu 日本人气蛋糕店到港!率先试食芝士蛋糕
芝士蛋糕质感软绵绵好软熟!

开店期间 买芝士蛋糕送玛德莲蛋糕

提提大家24 – 26/12期间买咗芝士蛋糕,可于至12日下午一时后,凭收据免费换领玛德莲蛋糕,买一个芝士蛋糕可换领玛德莲蛋糕一个,如此类推。换领者唔洗排队,可以直接到收银处换领。每日限量150个,每日派发完Uncle Tetsu会喺facebook专页公告。是次玛德莲蛋糕只作换领不设售卖。

 

 

Uncle Tetsu 日本人气蛋糕店到港!率先试食芝士蛋糕
开张期间只会推出皇牌6吋芝士蛋糕,想试玛德莲蛋糕嘅朋友要再等吓喇!
Uncle Tetsu 日本人气蛋糕店到港!率先试食芝士蛋糕
24 – 26/12买咗蛋糕记得keep单,仲要睇吓有冇盖印,如果唔係就冇玛德莲蛋糕喇。

彻思叔叔 Uncle Tetsu’s Cheesecake HK

地址:铜锣湾景隆街3号B铺 (D1出口)

电话:2877 7895

营业时间:11am-10pm

上一篇: 下一篇:

相关文章